ಮೌನದ ಗೆಳತಿಗೆ

ನೀನೇಕೆ ಮೌನಿಯದೆ ಗೆಳತಿ
ಯಾರೊಂದಿಗೂ ಮಾತನಾಡುತ್ತಿಲ್ಲ
ಯಾರೊಂದಿಗೂ ಬೆರೆಯುತ್ತಿಲ್ಲ
ನಿನ್ನಸ್ಟಕ್ಕೆ ನೀನು .....
ನಿನಗೆ ನಿನ್ನದೇ ಪ್ರಪಂಚ ..
ಕಣ್ಣೆತ್ತಿ ಒಮ್ಮೆ ನೋಡು
ಕಾಣುತ್ತಿಲ್ಲವೇ ನಾನು ...
ನನ್ನ ಕಣ್ಣಲ್ಲಿರುವ ಪ್ರೀತಿ
ಕಾಣುತ್ತಿಲ್ಲವೇ ನಿನಗೆ
ಮೌನದಲಿ ಮೌನವಾಗಿ ಅದೇನು ಯೋಚನೆ
ನಿನ್ನ ನೆನೆದು ಪಡುತ್ತಿದ್ದೇನೆ ಯಾತನೆ
ಮೌನದ ಗೆಳತಿಯಲ್ಲಿ
ಮೌನ ಮುರಿ ಎಂದಾಗ
ಮೌನವೇ ಮಾತಿಗೆ ಉತ್ತರವಾದಾಗ
ಮೌನವೇ ಮಾತಿಗೆ ಪ್ರಶ್ನೆ ಯಾದಾಗ
ನಾ ... ಸತ್ಯ ತಿಳಿದುಕೊಂಡೆ
ಗೆಳತಿ ನೀ .. ಮೌನಿ ಎಂದು ತಿಳಿದಾಗ
ನಾನು ... ಮೌನಿಯದೆ

ಸದ್ದು

ಅಂದಿನ
ಹುಡುಗಿಯರ ಹೆಜ್ಜೆಗೆ
ಗೆಜ್ಜೆಯ ಸದ್ದಾಗಿತ್ತು ತಾಳ
ಇಂದಿನ
ಹುಡುಗಿಯರ ಹೆಜ್ಜೆಗೆ
ಹೈ ಹೀಲ್ಡ್ ಸದ್ದೇ
ಬ್ಯಾಂಡು ಮೇಳ

ನಗುವ ಹೂವಿಗೆ....

ದಿನಕ್ಕೊಂದಿಷ್ಟು ಮುಗುಳು ನಗು
ದಿನಕರನ ನೋಡಿ..
ಬಿರಿದಾಂಗೆ ಬಳ್ಳಿತುಂಬಾ ಮಲ್ಲಿಗೆ ಮೊಗ್ಗು
ಏನೆನ್ನಲಿ ಹುಡುಗಿ ನಿನ್ನ ನಗುವ ಬೆಡಗು

ಕಪ್ಪು ಸಮಾಜದ ನಡುವೆ
ಕಣ್ಣಾ ಮುಚ್ಚಾಲೆ ಆಟವೇ...
ಯಾರಿಗೂ ಕಾಣದಾಂಗೆ ಸ್ಫುರಿಸುವೆ
ಮುಗುಳ್ನಗೆಯ ಒಲವ ನೋಟ...

ನಿನ್ನೀ ನಗುವಲ್ಲಿ ನೂರು ಮಾತು
ನೂರೊಂದು ಮಧುರ ಕಾವ್ಯ..
ಭಾವ ನವಿರೇಳುತಿದೆ
ನಲಿದಾಡುತಿದೆ ನವಿಲಾಗಿ ಮನಸ್ಸು...

ಒಲವ ರಂಗವಲ್ಲಿ ಚೆಲುವ ರಾಗದಲ್ಲಿ
ಅನುರಾಗದ ಕಂಪು ಕಣಜ
ನಿನ್ನೀ ಮನ ಮೈಮಾಟದಲ್ಲಿ
ಮಳೆ ಬಿಲ್ಲ ಚೆಲುವು...

ನಿತ್ಯ ನಗುವ ಮಲ್ಲಿಗೆಯಾಗು
ಕನಸ ಮುದ್ದು ಬದುಕ ಹಾಳೆಗೆ
ಸಮಾಜದ ಉರಿಯ ನಾಲಗೆಗೆ ಸಿಗದಾಂಗೆ
ಅಕ್ಷಯ ನಗುವಿರಲಿ ನಾಳೆಗೆ...